Էկոնոմիկայի նախարար Վահան Քերոբյանը հարցազրույց է տվել ռուսական «Վեդոմոստի» պարբերականին, որտեղ անդրադարձել է Ռուսաստանից Հայաստան տեղափոխված քաղաքացիներին և ՀՀ-ՌԴ առևտրային հարաբերություններին։ «2022թ. մաքուր ռելոկացիան կազմել է մոտավորապես 108-110 հազար քաղաքացի։ Այսինքն, այդքան ռուսաստանցի եկել է Հայաստան ու մնացել մշտական բնակության»,- ասել է նա։Նրա տվյալներով՝ 2022թ. Հայաստանում բացվել է ռուսական մասնակցությամբ մոտ 2500 իրավաբանական անձ և 4000 Ա/Ձ։ Անցյալ տարի հաճախորդների միջոցների լրացուցիչ ներհոսքը հայկական բանկային համակարգ նախարարը գնահատում է 3 մլրդ դոլար, ինչն, ըստ նրա, թույլ է տվել ապահովել ՀՆԱ-ի ամբողջ աճի մոտավորապես մեկ քառորդը։ Թեմայի շուրջ «Առաջին լրատվական»-ը զրուցել է Գործատուների հանրապետական միության նախագահ, տնտեսագետ- վերլուծաբան Գագիկ Մակարյանի հետ:
Մակարյանի խոսքով՝ 2022-ից սկսած էական ֆինանսական հոսքեր են, որոնք հավասարակշռում են նաև տուրիզմի զարգացումը․ «Մեր արդյունաբերական ճյուղերը կայուն-չկայուն սահմանի վրա են, ունենք ռիսկեր»:
