Գավառ համայնքի ավագանու չորրորդ նստաշրջանի երկրորդ նիստը վարել է Գավառ համայնքի ղեկավար Գուրգեն Մարտիրոսյանը: Ինչպես տեղեկացրին Գավառի համայնքապետարանի աշխատակազմից, նիստի օրակարգն հաստատելուց հետո աշխատակազմի ֆինանսատնտեսագիտական, բյուջեին, եկամուտների հաշվառման եւ հավաքագրման բաժնի պետ Տիգրան Բրսիկյանը զեկուցել է 2022 թվականի բյուջեի կատարման տարեկան հաշվետվությունը հաստատելու եւ բյուջեում փոփոխություն կատարելու մասին հարցերը, որոնք հաստատվել են քվեարկությամբ:
«Մուրադ Սամվելի Մովսիսյանին Գավառ համայնքի ղեկավարի տեղակալ նշանակելու մասին» հարցը զեկուցել Գավառ համայնքի ղեկավարի 1-ին տեղակալ Գրիգոր Դաշտոյանը: Մուրադ Սամվելի Մովսիսյանի նշանակումը նույնպես հաստատվել է քվեարկությամբ:
«Հայաստանի Հանրապետությանը տարածք նվիրելու եւ համայնքային սեփականություն հանդիսացող գյուղատնտեսական նշանակության վարելահողը աճուրդով օտարելու եւ մեկնարկային գին սահմանելու մասին» հարցերը զեկուցեց իրավաբանական բաժնի պետ Արա Գեւորգյանը: Դրանք հաստատվել են միաձայն:
Քաղաքաշինության եւ հողաշինության բաժնի պետ Դավիթ Մազմանյանը զեկուցել է «համայնքային սեփականություն հանդիսացող ավտոտնակներ եւ սպասարկման համար հատկացված հողամասերը ուղղակի վաճառքի միջոցով օտարելու, համայնքային սեփականություն հանդիսացող տնտեսական շինությունը ուղղակի վաճառքի միջոցով օտարելու, համայնքային սեփականություն հանդիսացող անվադողերի նորոգման կետը ուղղակի վաճառքի միջոցով օտարելու մասին» հարցերը, որոնք համապատասխանաբար քվեարկվել են:
«Գավառ համայնքի 2022 թվականի տարեկան աշխատանքային պլանը հաստատելու մասին» հարցը ներկայացրել է Հակոբ Սարգսյանը, «Գավառի համայնքապետարանի աշխատակիցների վարքագծի կանոնները հաստատելու մասին» հարցը՝ համայնքապետարանի աշխատակազմի քարտուղար Կարինե Մանուկյանը, «Գույքահարկի գծով արտոնություններ սահմանելու մասին» հարցը՝ Գեւորգ Աղլամազյանը։ «Դրամական օգնություն տրամադրելու մասին» հարցը ներկայացրել է Վարսենիկ Խաչատրյանը:
Նիստը եզրափակվել է չորրորդ նստաշրջանի երրորդ նիստի օրը սահմանելու մասին հարցով. այն տեղի կունենա 2023 թվականի ապրիլի 11-ին:
Նիստն հեռարձակվել է առցանց: