Սաուդյան Արաբիայի «Flynas» ավիաընկերությունը գալիք ամառային սեզոնի համար լրացուցիչ թռիչքներ է մտցրել տարբեր ուղղություններով, ինչպիսիք են Մալդիվները, Հայաստանը, Ալբանիան, Օմանը և այլն:
Սաուդյան Արաբիայի լոուքոսթեր ավիաընկերությունը՝ «Flynas»-ը, ներկայացրել է 2023 թվականի գալիք ամառային ճանապարհորդական սեզոնին Եվրոպա և Ասիա 10 նոր ուղղություններ և երթուղիներ ներկայացնելու իր ծրագրերը:
Ավիաընկերությունը Էր-Ռիադի «Խալիդ» միջազգային օդանավակայանից սպասարկելու է չորս նոր ուղղություններ, այդ թվում՝ հայաստանյան Երևանը, թուրքական Անթալիան, չեռնոգորական Տիվատը և Մալդիվները։ Բացի այդ, կգործարկվեն վեց նոր երթուղիներ, որոնք կներառեն թռիչքներ Դամամից դեպի ալբանական Տիրանա, թուրքական Ստամբուլ և Տրապիզոն, ինչպես նաև օմանական Սալալահ:
