Ամերիկացիները պատրաստվում են մինչև այս տարեվերջ ներկայացնել նոր նռնականետ, որը կտրամադրվի Աֆղանստանում ամերիկյան զորքերին: Ըստ զենքի գլխավոր կոնստրուկտոր Քրիսթոֆեր Լեների` այս «խելացի զենքը» ամբողջովին կփոխի պատերազմի խաղի կանոնները: Նոր համակարգը թույլ է տալիս խրամատում կամ պատի հետևում գտնվող հակառակորդի վրա կրակ բացել: 25 մմ-անոց նռնականետը կարող է այնպես ծրագրավորվել, որպեսզի այն պայթի օդում հենց թիրախի գլխի վերևում, իսկ դեպի թիրախը ռումբն ուղղվում է հատուկ լազերային նշանոցի օգնությամբ:
Նռնակը կարող է անցնել մինչև 700 մետր մինչև նշանակետը, իսկ գնդացրում գտնվող հատուկ չիպը նշանակետը բռնելու պահին կարողանում է ճիշտ հաշվարկել օպտիմալ ճանապարհը մինչև նշանակետ: «Մեր մշակած զենքը մեկընդմիշտ կզրկի հակառակորդին թաքստոցից, բոլոր մարտավարական կանոնագրքերը պետք է վերաշարադրվեն, իսկ հակառակորդին միայն կմնա փախչել մարտի դաշտից», հայտարարել է Լեները:
