Կա էսկալացիայի մեծ վտանգ թե Արցախի, թե Հայաստանի ուղղությամբ, մարտի 14-ի մեծ ասուլիսում հայտարարել է Հայաստանի վարչապետ Նիկոլ Փաշինյանը, ասելով, որ Հայաստանը փորձում է գործադրել քաղաքական, դիվանագիտական անհրաժեշտ քայլերը՝ էսկալացիայի վտանգը զսպելու, չեզոքացնելու համար: Այդ հարցում նա կարևոր է համարում միջազգային մեխանիզմների կիրառումը, որն ըստ Հայաստանի վարչապետի՝ թույլ կտա խուսափել էսկալացիայից: Միաժամանակ, Հայաստանի վարչապետը փաստացի ակնարկել է, որ Երևանը չի ընդունում Բրյուսելում Միշել-Փաշինյան-Ալիև հանդիպման առաջարկը, համարելով, որ դա ապարդյուն է, քանի որ մինչ այդ հենց տվյալ ձևաչափով ձեռք բերած մոտ տասը պայմանավորվածություն Ադրբեջանը պարզապես չի կատարել, հետևաբար որևէ իմաստ չկա քննարկել նորը, եթե կատարված չէ նախկինը: Թեմայի շուրջ «Առաջին լրատվական»-ը զրուցել է Հայ Դատի Եվրոպայի հանձնախմբի նախագահ Գասպար Կարապետյանի հետ:
Վերջինս կարծում է, որ Հայաստանը պետք է շարունակի կոմպլեմենտար քաղաքականությունը․ Եվրոպան մեզ պետք է, բայց նաև ՌԴ-ի հետ պետք է գործակցել: