Լիբիան մտադիր է Եվրոպայի երկրներն ապահովել էլեկտրաէներգիայով, որն արտադրվում Է Արեգակի էներգիայի հաշվին, այսօր հայտարարել է Լիբիայի Ազգային միասնության կառավարության (ԱՄԿ) վարչապետ Աբդել Համիդ Դբեյբան։
Այդ մասին տեղկանում Է ТАСС գործակալությունից: «Մենք (խմբ.՝ Լիբիայի կառավարությունը) լի ենք վճռականությամբ` Եվրոպան ապահովելու էլեկտրաէներգիայով, որն արտադրվում Է արևային Էներգիայով», – ասել է Դբեյբան, որի խոսքը մեջբերում է Al-Wasat լրատվական հարթակը:
Հանդես գալով Տրիպոլիում լիբիա-գերմանական տնտեսական ֆորումում՝ ԱՄԿ-ի ղեկավարն ասել է, որ իր համոզմամբ՝ «Լիբիայում կայունության գնացքն արդեն սկսել Է շարժվել. նա գերմանացի գործարարներին խորհուրդ է տվել «հասնել արագ սլացող գնացքին»։ Ընդ որում, Դբեյբան նշել է, որ իր կառավարությունը բացում է «նոր ներդրումային հնարավորություններ էներգետիկայի ոլորտում»։
Լիբիայի վարչապետի կարծիքով՝ երկիրն ունի «կանաչ էներգետիկայի ոլորտ անցնելու» թե՛ ցանկություն, թե՛ հնարավորություններ։ Դբեյբան նշել է, որ «այդ հատվածում իրական ներդրումներ կարելի է ներգրավել նավթի և գազի (արտահանման) հաշվին»: ՕՊԵԿ-ի անդամ Լիբիան ունի ածխաջրածնային հումքի խոշորագույն պաշարներն Աֆրիկայում: Մինչև 2011 թվականին երկրում բռնկված քաղաքացիական պատերազմը Լիբիան աշխարհում նավթի 12-րդ խոշորագույն արտահանողն էր՝ արդյունահանելով օրական մինչև 1,6 մլն բարել նավթ։
Երկրի արևմուտքի և արևելքի ուժերի միջև կնքված զինադադարից հետո արտադրությունը հաջողվել Է հասցնել օրական գրեթե 1,2 միլիոն բարելի։ Փետրվարի կեսերին երկրի Նավթի ազգային կորպորացիայի (National Oil Corporation, NOC) ղեկավար Ֆարհաթ Բենգդարը հայտնել էր, որ Լիբիան պատրաստվում է իր հանքավայրերում նավթի արդյունահանումն ավելացնել օրական մինչև 2 միլիոն բարելի: