WhatsApp-ի օգտվողները կկարողանան կարգավորել այն ժամանակը, որից հետո նրանք ավտոմատ կերպով կջնջվեն խմբային զրույցներից: Այս մասին հայտնում է «WABetaInfo» հարթակը։
Նոր գործառույթը մեսենջերի բետա տարբերակում հայտնվել է 23.5.0.70 համարի ներքո։ Այն ստացել է «Expiring Groups» կամ «պիտանելիության ժամկետ ունեցող խմբեր» անվանումը։ Օգտատերը կկարողանա սահմանել այն ժամկետը, որի ընթացքում նա կլինի խմբային զրույցի մասնակից։ Բացի այդ, ժամկետը հնարավոր կլինի փոխել, եթե օգտատերը մտափոխվի։ Նշվում է, որ չաթի մյուս մասնակիցներին կոնկրետ օգտատիրոջ կարգավորումները չեն անդրադառնա։
