Հնդկական մամուլը գրում է, որ Հայաստանը հնդկական Kalyani Strategic Systems Limited (KSSL) ընկերության կողմից մշակված 155 մմ/39 ինքնագնաց MArG հաուբիցների փորձարկումներ է անցկացրել՝ նախքան սպառազինությունը պատվիրելը։ «Kalyani Strategic Systems Limited ընկերության պաշտոնատար անձինք հայտարարել են, որ Marg 155/39 ինքնագնաց հաուբիցը մշակվել է 8 ամսում և փորձարկվել է հնդկական բանակի կողմից Բալասորում և Պոկրանում, նախքան այն առաջարկվել էր Հայաստանին, որը սպառազինության համակարգ էր փնտրում բարձրլեռնային շրջաններում ռազմական գործողություններ իրականացնելու համար, որտեղ Ադրբեջանի հետ հակամարտությունը շարունակվում է», – գրել է IDRW-ն: Ինքնագնացի վրա տեղադրված MArG 155/ 39 հաուբիցը մոտ 40 օրվա ընթացքում կրկին փորձարկվել է Հայաստանի պաշտոնյաների ներկայությամբ, և գործարքը կնքվել է պաշտպանական ոլորտի ցուցահանդեսում այն բանից հետո, երբ այն համապատասխանել է հայկական բանակի կողմից սահմանված հրաձգության բոլոր չափանիշներին: Թեմայի շուրջ «Առաջին լրատվական»-ը զրուցել է «Շանի» ՀԿ հիմնադիր տնօրեն, ինժեներ, կոնստրուկտոր, ֆիզիկոս Էրիկ Սարգսյանի հետ:
Սարգսյանը Հայաստանի կողմից հնդկական հաուբիցների ձեռքբերումը ճիշտ որոշում է համարում:
Մեր բանախոսի խոսքով` Հնդկաստանում ռազմարդյունաբերությունը գնալով զարգանում է, շուկան հետաքրքրում է Հայաստանին. «Զենքի շուկայի առումով Հայաստանին մնացել է երկու հետաքրքրող ուղղություն` Հնդկաստան, Իրան: ՆԱՏՕ-ի երկրներից Հայաստանը չի կարող զենք ձեռք բերել, միակ ուղղությունը մնացել են Իրանն ու Հնդկաստանը