Ադրբեջանը արտաքին հրահրումներով կարող է Հայաստանի ու Արցախի սահմանին սադրանքներ հրահրել: «Առաջին լրատվական»-ի հետ զրույցում նշեց քաղաքական վերլուծաբան Էմիլ Օրդուխանյանը:
Քաղաքագետը կարծում է, որ դիվանագիտական դաշտում զարգացումները ամենևին Ադրբեջանի շահերը չեն ընդգրկում. «Ադրբեջանը բնականոն հունից գործընթացը տեղափոխոում է այլ դաշտ: Ադրբեջանը դիվանագիտության մեջ շահելու ոչինչ չունի, փորձում է լարվածությունը սրել: ԵՄ դիտորդական առաքելությունը Ադրբեջանի հավակնությունները զսպելու համար է, բայց Բաքուն փորձելու է ստուգել մեր զգոնությունը: Հայկական կողմը պետք է անի առավելագույնը այս ընթացքում ռազմական ներուժը վերականգնելու համար»:
Օրդուխանյանը անկանխատեսելի զարգացումները չի բացառում, քանի որ տարածաշրջանը լարված է: