Այսօր՝ մարտի 9-ին, խոշոր ավտովթար է տեղի ունեցել Երևանում։ Ժամը 08։20-ի սահմաններում Իսակովի պողոտայում ԱՄՆ դեսպանատան հարևանությամբ բախվել են Երևանի բնակիչ 35-ամյա Լյուդվիգ Հովհաննիսյանի վարած Kia Forte մակնիշի և դեռևս ճչշտված վարորդի կողմից վարած Audi մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում առաջին բուժօգնություն է ստացել և տեղափոխվել հիվանդանոց։
Վարորդներին և վիրավորին առաջինն օգնություն են ցուցաբերել քաղաքացիները, ԱՄՆ դեսպանատան անվտանգության աշխատակիցները ու օպերատիվորեն ժամանած Երևանի 1-03 շտապօգնության բժիշկների հերթապահ խումբը։
Վթարի փաստով քննչական բաժնում նախաձեռնվել է վարույթ։
Պարեկային ծառայությունն ու քննչական բաժինը պարզում են վիրավորի իննքնությունը։
