Թուրքիայում երկրաշարժերի հետևանքով փլուզված բնակելի շենքերի գործով 247 մարդ է ձերբակալվել։ «Անադոլու»-ի տեղեկություններով՝ դատախազության որոշումներով փետրվարի 6-ից հետո ընդհանուր առմամբ ձերբակալվել է 997 մարդ, որոնց կասկածում են ավերված շինությունների կառուցմանը մասնակցելու մեջ: Հետագայում ձերբակալվածներից 247-ը կալանավորվել են, 322 կասկածյալի նկատմամբ նշանակվել է դատական հսկողություն։
Փետրվարի 6-ին Թուրքիայի հարավ-արևելքում տեղի ունեցավ ավելի քան 7 մագնիտուդ ուժգնությամբ երկու երկրաշարժ։ Տեղի ունեցած ավերիչ երկրաշարժերի զոհերի թիվը գերազանցել է 45 հազարը։
