Արևմուտքը փորձում է ավելի շատ ուշադրություն հատկացնել հայ-ադրբեջանական բանակցային պրոցեսին: «Առաջին լրատվական»-ի հետ զրույցում նշեց ԱՄՆ Նևադայի համալսարանի պրոֆեսոր, քաղաքական գիտությունների դոկտոր Ներսես Կոպալյանը:
Կոպալյանի խոսքով` Բաքուն ամեն քայլի դիմելու է, որ խոչընդոտի խաղաղության պայմանագրի պրոցեսը. «Արևմուտքը զգուշանում է` Բաքուն փորձում է բարդացնել բանակցային պրոցեսը: Արևմուտքը շատ լավ հասկանում է` Բաքվի ուզածը բանակցությունների ձախողումն է: Բաքուն և Մոսկվան ձգտում են, որ բանակցությունները ձախողվեն: Արևմուտքը հասկանում է` ամեն պահի իրավիճակը կարող է բարդանալ և Բաքուն կարող է դիմել սադրանքների :
Ըստ Կոպալյանի Արևմուտքի համար այս պահին թիվ մեկ խնդիրը Հայաստանի ինքնիշխանության հարցն է. «Արևմուտքը դեռ հետևում է. Եթե Բաքուն հատի կարմիր գիծը, հետևանքները ծանր կլինեն: Չի կարող լինել խաղաղության պայմանագիր Հայաստանի ու Ադրբեջանի միջև, եթե արցախյան հարցը կարգավորված չէ»:
