Մարտի 5-ին, ժամը 10:00-ի սահմաններում, Ադրբեջանի զինված ուժերի դիվերսիոն խումբը հատել է շփման գիծը և հարձակվել Արցախի Հանրապետության ոստիկանության անձնագրային և վիզաների վարչության հերթապահ ավտոմեքենայի վրա:
Հարձակման արդյունքում ոստիկանության երեք աշխատակից սպանվել է, մեկը՝ վիրավորվել: Վերջինիս վիճակը գնահատվում է կայուն ծանր։ Ոստիկանների սպանության նախնական հանգամանքների վերլուծությունը թույլ է տալիս ադրբեջանական կողմի գործողությունները որակել որպես պատերազմական հանցագործություն:
Ավելի վաղ՝ մարտի 2-ին և մարտի 2-ի լույս 3-ի գիշերը, Արցախի Հանրապետության Ասկերանի, Մարտակերտի և Մարտունու շրջանների օկուպացված տարածքներում տեղակայված ադրբեջանական զինված ուժերի ստորաբաժանումները նույնպես խախտել էին 2020 թ․ նոյեմբերի 9-ի Եռակողմ հայտարարությամբ հաստատված հրադադարը։
Քրիստոնեա-ժողովրդավարական կուսակցության ղեկավար, քաղաքագետ Լևոն Շիրինյանը «Առաջին լրատվական»-ի հետ զրույցում նշեց՝ աա մեր դեմ է Արևմուտքի օժանդակությունը փչացնելու համար է:
«Սա ռուսական պատվեր է, ճիվաղների արածն է: Հայաստանը դուրս է գալիս և դուրս պետք է գա: Այլ տարբերակ էլ չկա»,-ասաց նա:
Շիրինյանի խոսքով՝ ռուս խաղաղապահները խաղաղապահ չեն, մանիպուլյատորներ են․ ռուսական բանակի զորամաս է որոշակի հանձնարարություններով՝ չմիջամտել, որպեսզի լինի այն, ինչ լինում է:
«Դա մի զորք է, որ Բուչայում կարող է 4 տարեկան երեխայի բռնաբարել, իսկ այստեղ պոռնիկներ եկել կանգնել են: Սա հակահայկական քաղաքականություն է»,-ասաց քաղաքագետը:
Հարցին՝ ամեն անգամ Արևմուտքի որևէ հայտարարության կամ աջակցության դեպքում իրավիճակը սրվելո՞ւ է, Շիրինյանը պատասխանեց․ «Այո՛, սրվելու է մինչև դուրս գանք: Մինչև այդ գիշատիչը չտապալվի: Դա Ռուսաստանն է, և այդ դեպքում Ադրբեջան կոչվածն անտեր է մնում։ Ինձ համար տարօրինակ է, թե ինչու արցախյան կողմը Սամվել Բաբայանին գործի մեջ չի վերցնում, որը հիմա Արցախում է: Նրա գիտելիքը, մակարդակը շատ բարձր է, հիմա ես չգիտեմ, թե իրենք իրար մեջ ինչ հաշիվ ունեն»:
Նրա խոսքով՝ պետք է այս վիճակը հաղթահարենք և անցնենք առաջ, Ռուսաստանի «փորացավը» Հայաստանին պատերազմի մեջ ներքաշելն է, որից հետո կթելադրեն՝ ինչ ուզում են․
«Պարզ է՝ դրա արդյունքն ինչ կլինի: Արևմուտքին պետք է ասել, որ այո, Ուկրաինան շատ կարևոր է, բայց Արցախը նույնպես կարևոր շղթայի մի օղակն է: Արևտմյան երկրները դա պետք է իմանան, եթե ատամ քաշել է, բոլոր տեղերից թունավոր ատամները պետք է քաշել: Խոսքը Ռուսաստանի մասին է: Եթե իրենք ցանկանան, այդ գորիլլան նույն ակնթարթին շնչառությունը կփչի»:
