Իրանն ու Ատոմային էներգետիկայի միջազգային գործակալությունը (ԱԷՄԳ) կարող են կառուցել փոխըմբռնման ու վստահության վրա հիմնված հարաբերություններ։ Այս մասին Թեհրանում ասել է ԱԷՄԳ գլխավոր տնօրեն Ռաֆայել Մարիանո Գրոսին:
«Վստահ եմ, որ բանակցություններում, որոնք հիմա անց եմ կացնում Թեհրանում, շրջադարձային համաձայնության կգանք»,- «IRNA»-ի փոխանցմամբ՝ ասել է Գրոսին՝ նշելով, որ «Իրանն ու ԱԷՄԳ-ն կարող են կառուցեկ վստահելի հարաբերություններ»։
Նա Իրանի ատոմային էներգետիկայի կազմակերպության ղեկավար Մոհամմադ Էսլամիի հետ բանակցությունների ընթացքում ասել է, որ ԱԷՄԳ-ն և Թեհրանը «պետք է միասին վերացնեն Իրանի միջուկային ծրագրի խաղաղ բնույթի շուրջ կասկածները»։
