Որքանով ես կարող եմ արտաքինից տեսնել և որքանով հետևում եմ հյ-գերմանական հարաբերությունները ընդհանրապես բնականոն զարգացում են ունեցել. մենք՝ հայերս միշտ ավելին ենք սպասում, պահանջում ենք Գերմանիայից, որ ավելի ակտիվ ու աշխույժ ներգրավված լինի և Հայաստանի հետ երկկողմ հարաբերությունների զարգացման իմաստով, և նաև Արցախի հարցով և հյայ-ադրբեջանական հարաբերությունների առնչությամբ: Այս մասին Բեռլինում «Առաջին լրատվական»-ի հետ զրույցում նշեց Գերմանիայի հայոց թեմի առաջնորդ Սերովբե Եպիսկոպոս Իսախանյանը:
Հարցին, թե Գերմանիայում թուրքական մեծ համայնքի գոյությունը որքանով է խոչընդոտում այդ հարաբերությունների սերտացմանը, նա պատասխանեց. «Նկատի ունենալով, որ քաղաքական գործիչները շահեր ունեն, քվեների հարց ունեն, վստահաբար մենք չենք կարող այդ իմաստով մրցել թուրքերի հետ: գերմանիայում յուրաքանչյուր հայի դիմաց ապրում է մոտավորապես 50-60 թուրք, և թուրքական համայնքը մեզ հետ համեմատելի չէ: Համենայնդեպս, ես կարծում եմ, որ Գերմանիան փորձում է վարել անկողմնակալ քաղաքականություն, և հայ-գերմանական հարաբերությունները չի պայմանավորում թուրք-գերմանական հարաբերություններով»:
