Այսօր լրանում է 2008 թվականի Մարտի 1-ի 15 տարելիցը: 15 տարի առաջ այս օրը Երևանի կենտրոնում տեղի ունեցան դրամատիկ իրադարձություններ խաղաղ ցուցարարների նկատմամբ։ Անցնող 15 տարիների ընթացքում Մարտի 1-ն վերածվեց քաղաքական մանրադրամի, որը ձեռքից ձեռք է անցնում քաղաքական դաշտում:Թեմայի շուրջ «Առաջին լրատվական»-ը զրուցել է «Հանուն Հանրապետության» կուսակցության նախագահ Արման Բաբաջանյանի և նույն կուսակցության քաղխորհրդի անդամ, իրավագետ Արտաշես Խալաթյանի հետ:
Բաբաջանյանի խոսքով՝ եղել են շրջանակներ, որ փորձել են Մարտի 1-ի իրադարձությունները օգտագործել․ «Արյունը, որ հեղվեց, ինքնին Հայաստանի գաղութացման մի գործողություն էր: Արյունն էր, որ Հայաստանին արտաքին աշխարհի հետ հարաբերվելու դռներն ու պատուհանը փակեց: Մարտի 1-ը ոչ միայն ներքին, նաև արտաքին ազդեցությունների հետևանք էր»:
Խալաթյանն էլ իր հերթին նշեց, որ Մարտի 1-ի զոհերի հիշատակին նվիրված հուշակոթողի բացումը անցյալին իրավաքաղաքական գնահատական տալու համատեքստում պետք է դիտարկել․ «Այս հուշակոթողի տեղադրումը ցույց է տալիս քաղաքական մակարդակում ով ով է»: