Ես հիմա շատ հուզված եմ, որովհետև ես հիմա այստեղ կանգնած պատկերացնում եմ, թե 15 տարի առաջ այստեղ ինչ իրավիճակ է եղել, որտեղ է կանգնած եղել իմ որդին, երեկոյան որտեղ է տեղաշարժվել: Այս մասին «Առաջին լրատվական»-ի հետ զրույցում նշեց մարտի 1-ի զոհերից Տիգրան Խաչատրյանի մայրը՝ Ալլա Հովհաննիսյանը:
«Հուզված եմ նաև, որովհետև հուշակոթողը տեսա, որն ինձ շատ դուր եկավ, չնայած առաջին հայացքից խորթ էր ստացվել: Պարզ է, որ սպանությունների բացակայտման հետ կապված ինձ մոտ մեծ դժգոհություն կա: Դժգոհ եմ, որովհետև սպասել եմ հեղափոխությանը, 10 տարի միաբերան ասել են՝ երբ հեղափոխություն լինի… 2018-ի հեղափոխությունից 4,5 տարի անց դեռ որևէ մեկը սպանության համար պատասխանատվություն չի կրել»,-ասաց նա:
Ալլա Հովհաննիսյանը նշեց, որ այսպիսի հանցագործությունը չի կարող վաղեմության ժամկետ ունենալ: