Պատերազմից մեկ տարի անց` ավերված տներ, հազարավոր զոհեր ու վիրավորներ: «Առաջին լրատվական»-ի հետ զրույցը այսպես սկսեց Հայաստանում Ուկրաինայի նախկին դեսպան Ալեքսանդր Բոժկոն:
Բոժկոյի խոսքով` պատերազմի արհավիրքը մենք զգում ենք մեր մաշկի վրա. «Պատերազմից հետո միլիոնավոր մարդիկ լքել են Ուկրաինան. մենք զգացել ենք, որ կորցնելու բան ունենք: Պատերազմով մենք հասկացանք` կորցնելու բան ունենք, պատրաստ ենք զոհվելու հանուն հայրենիքի: Ուկրաինական տարածքի քսան տոկոսը օկուպացված է ագրեսոր ՌԴ կողմից: Ուկրաինացին ռուսական ագրեսիվ քաղաքականության զոհն է. Աշխարհը փորձում է կանգնեցնել ագրեսորին: Եթե նահանջենք, կկորցնենք ոչ միայն մեր երկիրը, այլ նաև կկորչենք որպես ազգ: Սա պայքար է համաշխարհային չարիքի դեմ»:
