Մյունխենյան Անվտանգության համաժողովը 59-րդ անգամ է գումարվել և կտևի մինչև փետրվարի 19-ը: Այս պահին ընթանում է բացման պաշտոնական արարողությունը։ Այս տարվա համաժողովը ուշագրավ է ռուս – ուկրաինական պատերազմի առնչությամբ, քանի որ մի քանի օրվա տարբերությամբ համընկնում է ռուս-ուկրաինական պատերազմի առաջին տարելիցին:
Մյունխենում կհանդիպեն հարյուրավոր պետական այրեր, նրանցից ավելի քան 100-ը՝ նախագահներ, վարչապետներ, նախարարներ են: Այս տարի Վլադիմիր Զելենսկին տեսաուղերձով կբացի Մյունխենի համաժողովը: Ապա կխոսեն Շոլցն ու Մակրոնը: Համաժողովին մասնակցում է նաև Հայաստանի վարչապետ Նիկոլ Փաշինյանն՝ իր պատվիրակությամբ, որի կազմում են արտգործնախարար Արարատ Միրզոյանը, Անվտանգության խորհրդի քարտուղար Արմեն Գրիգորյանը։ Համաժողովին մասնակցում է նաև Հանուն հանրապետության կուսակցության ղեկավար Արման Բաբաջանյանը: Նա Մյունխենի համաժողովի շրջանակներում զրուցել է Եվրոպական խորհրդի նախագահ Շառլ Միշելի հետ։ Առաջին լրատվականի հետ զրույցում նա մասնրամասնել էր։ Թեմայի շուրջ «Առաջին լրատվական»-ը զրուցել է Ֆրանսիայի Էքս ան Պրովանսի համալսարանի քաղաքագիտության դասախոս Թալին Փափազյանի հետ:
Վերջինս նշեց, որ Մյունխենից ակնկալիքները մեծ չեն, բայց Հայաստանը պետք է օգտագործի այդ հարթակը:
