Թուրքական «Royal Seginus» հյուրանոցում զանգվածային ծեծկռտուք է տեղի ունեցել ռուս և ուկրաինացի ֆուտբոլիստների միջև: Այնտեղ ապրում են երկու թիմերի խաղացողները։
Նախնական տվյալներով՝ ամեն ինչ սկսվել է փետրվարի 13-ի երեկոյան։ Ուկրաինական «Մինայ» ակումբի մի քանի ներկայացուցիչներ մոտեցել են Յարոսլավլի «Շիննիկի» ղեկավարին և նրանից պահանջել երգել ուկրաինական օրհներգը: Վերջինս ուկրաինացիներին առաջարկել է դուրս գալ փողոց և «տետ-ա-տետ պարզել», սակայն հյուրանոցի աշխատակիցները միջամտել են հակամարտությանը, և այն հաջողվել է մարել։
Որոշ ժամանակ անց ուկրաինական ակումբի մի քանի խաղացողներ հայտնվել են «Շիննիկի» ֆուտբոլիստի հետ նույն վերելակում և ծեծել նրան։ Երբ վերելակը հասել էր հարկ, այնտեղ կանգնած էին Յարոսլավլի մի խումբ ֆուտբոլիստներ, և ռուս ու ուկրաինացի խաղացողների միջև զանգվածային ծեծկռտուք է սկսվել։ Հյուրանոց ստիպված են եղել կանչել ոստիկանության աշխատակիցներին և շտապօգնությանը։ Ֆուտբոլիստների և թիմերի ներկայացուցիչների միջև մինչև հիմա միանգամյա բախումներ են տեղի ունենում։ Հյուրանոցում այժմ մշտական հիմունքներով հերթապահում են ոստիկանության երկու աշխատակից և անվտանգության լրացուցիչ ջոկատներ:
