Հայաստանի Հանրապետության պաշտպանության նախարարությունն օրենքի նախագիծ է դրել շրջանառության մեջ, որի ընդունման դեպքում իգական սեռի ներկայացուցիչները կամավորության սկզբունքով կարող են 6 ամսով զինվորական ծառայության անցնել Զինված ուժերում: Վարչապետ Փաշինյանը կառավարության նիստին նշեց, որ այս նախագծով հնարավորություն են տալիս, որ կանայք կամավորության հիմունքներով 6-ամսյա ժամկետային զինծառայություն անցնեն, որից հետո կարող են «Պաշտպան հայրենյաց» ծրագրի տրամաբանությամբ անցնել ավելի երկարաժամկետ զինվորական ծառայության: Նրա խոսքով՝ խնդիր են դրել, որ կանանց համար հնարավորինս նոր կամ շատ թարմ ենթակառուցվածքներ լինեն, քանի որ նոր էջ է, և պետք է նոր բովանդակությամբ և թարմությամբ այդ պրոցեսը սկսել։
Հայաստանի Հանրապետության պաշտպանության նախարարությունն օրենքի նախագիծ է դրել շրջանառության մեջ, որի ընդունման դեպքում իգական սեռի ներկայացուցիչները կամավորության սկզբունքով կարող են 6 ամսով զինվորական ծառայության անցնել Զինված ուժերում: Վարչապետ Փաշինյանը կառավարության նիստին նշեց, որ այս նախագծով հնարավորություն են տալիս, որ կանայք կամավորության հիմունքներով 6-ամսյա ժամկետային զինծառայություն անցնեն, որից հետո կարող են «Պաշտպան հայրենյաց» ծրագրի տրամաբանությամբ անցնել ավելի երկարաժամկետ զինվորական ծառայության: Նրա խոսքով՝ խնդիր են դրել, որ կանանց համար հնարավորինս նոր կամ շատ թարմ ենթակառուցվածքներ լինեն, քանի որ նոր էջ է, և պետք է նոր բովանդակությամբ և թարմությամբ այդ պրոցեսը սկսել։
Այս առնչությամբ ռազմական փորձագետ Կարեն Հովհաննիսյանն «Առաջին լրատվական»-ի հետ զրույցում նշեց, որ կանանց ներգրավումը Զինված ուժերում նոր չէ, Զինված ուժերում կանայք շատ վաղուցվանից են ծառայում:
«Բանակում կանանց ներկայությունը ես շատ եմ կարևորում, որովհետև ոչ միայն դա ազդում է կարգուկանոնի վրա, բարձրացնում է մարտունակությունյը, այլ նաև որոշակիորեն ազդում է բարոյահոգեբանական վիճակի վրա: Ընդհանրապես, կամավորության սկզբունքով կանանց ներգրավումը բանակ այս ձևաչափով ևս շատ գնահատելի է: Միաժամանակ պետք է ասեմ, որ բանակում կանանց ներգրավման վերաբերյալ նոր ռաջարկություններ են գալիս ու սա նոր բան չէ մեր բանակում»,-ասաց փորձագետը:
Նա նշեց, որ այսօր էլ բանակում ունենք կին հրամանատարներ, այդ թվում՝ մարտական գործողություններին մասնակից կին հրամանատարներ, շարքայիններ և այլն:
«Այնպես որ այս մոտեցումը, որ հիմա ներկայացվում է որոշման տեսքով, պարզապես կանանց ներկայությունը բանակում ավելի բարելավելու նպատակ ունի»,-հավելեց նա:
Արդյոք կա՞ կանանց պարտադիր ծառայության անհրաժեշտություն՝ Հովհաննիսյանը նշեց, որ ելնելով մեր մենթալիտետից՝ կանանց պարտադիր զինծառայությունը շատ դժվար ու բարդ է լինելու․«Ես ինքս դրան դեմ ենք, մենք չենք հասել այն հանգրվանին, որ կարող ենք միանշանակ ընդունել կանանց պարտադիր զինծառայությունը: Առայժմ պետք է սահմանափակվենք կամավորության սկզբունքով»,-ասաց նա:
Ինչ վերաբերում է բանակում կանանց վճարման գումարի չափին, փորձագետն ասաց. «Ես չեմ կարծում, որ պետք է խտրականություն դրվի կանանց ու տղամարդկանց միջև: Դա խոսելու է այն մասին, որ գենդերային խտրականություն է կիրառվում: Ընդհանրապես մենք պետք է մտածենք զինծառայողների սոցիալական փաթեթների ու վճարների մասին ու այլևս մեր բառապաշարից հանենք այդ համատեքստում կին կամ տղամարդ հասկացողությունները: Մենք շատ ենք սիրում համեմատվել Իսրայելի հետ, Իսրայելը շատ հարցերում ու շատ վաղուց մեզնից առաջ է, և մենք դրա վրա ուշադրություն չենք դարձնում: Իսրայելում, օրինակ, կա ռազմարդյունաբերություն, որի հետ մենք համեմատվել չենք կարող: Ուստի չպետք է համեմատվենք որևէ երկրի հետ ու ըստ դրա կառուցենք մեր զինված ուժերը: Տվյալ դեպքում մենք պետք է մեր մենթալիտետին ականջալուր լինենք, և դրանով առաջնորդվենք»:
