Այսօր հեռախոսազրույց է տեղի ունեցել Ադրբեջանի արտաքին գործերի նախարար Ջեյհուն Բայրամովի և ԱՄՆ պետքարտուղարի Եվրոպայի ու Եվրասիայի հարցերով օգնական Քերըն Դոնֆրիդի միջև։
Կողմերը հանգամանալից քննարկել են երկու երկրների միջև երկկողմ հարաբերությունների ընթացիկ օրակարգը, տարածաշրջանում և, մասնավորապես, Լաչինի միջանցքի շուրջ ստեղծված իրավիճակը, ինչպես նաև Ադրբեջանի և Հայաստանի միջև խաղաղության պայմանագրի գործընթացը։
Բայրամովն ընդգծել է, որ Ադրբեջանը կողմ է խաղաղության և կայունության ապահովմանը տարածաշրջանում։