Եթե Ռուսաստանն ուզում է կշիռ ունենալ Հրվ. Կովկասում՝ չի կարող սպասել, որ ավարտվի ուկրաինական պատերազմը, պետք է հիմա գործի: «Առաջին լրատվական»-ի հետ զրույցում նշեց Քաղաքագետ, «Կովկաս» ինստիտուտի տնօրեն Ալեքսանդր Իսկանդարյանը:
Ըստ քաղաքագետի` Ղարաբաղն ու Լաչինի միջանցքը Ռուսաստանի համար առաջին տեղում չէ, դրա համար էլ ասում են՝ մի քիչ սպասեք. «Չեմ կարծում` Ռուսաստանին պետք է, որ խաղաղապահները միջազգային մանդատ ունենան: Ռուս խաղաղապահների շնորհիվ Ռուսաստանը կարող է մեր տարածաշրջանում ազդեցություն ունենալ: Եթե Ղարաբաղը մնա առանց հայերի, Ռուսաստանի ներկայությունն էլ կհասնի նվազագույնի: Ռուսաստանը նյարդային է արձագանքում այն ամենին, ինչ կապված է արևմտյան ակտիվության հետ»:
Իսկանդարյանը կարծում է, որ Ալիևը պետք է նվազագույնը իր ժողովրդին ինչ-որ բան ցույց տա՝ բացելով Լաչինի միջանցքը, առևտուր է գնում. «Ալիևը ծուղակում է, ինչքան շատ խոսվի հումանիտար աղետի մասին՝ այնքան բարդ է լինելու իր համար: Միայն չափազանց կոշտ, անելանելի պատժամիջոցները Ադրբեջանի դեմ կարող են որևէ արդյունք տալ»:
