«3+3»-ի գլխավոր երեքը Հայաստանը, Վրաստանը և Ադրբեջանն են. նրանք պետք է որոշեն, թե իրենցից բացի էլ ով լինի ձեւաչափում: Թեմայի շուրջ «Առաջին լրատվական»-ի հետ զրույցում նշեց դիվանագետ, ՌԴ-ում Վրաստանի նախկին դեսպան Վալերի Չեչելաշվիլին:
Չեչելաշվիլիի խոսքով` «3+3»-ը Վրաստանի համար հարմար չէ, քանի որ այնտեղ կան Իրանն ու ՌԴ-ն, որոնք խիստ պատժամիջոցների տակ են. ««3+3»-ի գլխավոր խաղացողը ՌԴ-ն է, որը մեկուսացած է և պետք է ցույց տա, որ արտաքին քաղաքականության մեջ ինչ-որ հաջողություն ունի: «3+3»-ը Մոսկվայի համար ազդեցության լծակ է Հարավային Կովկասում: ՌԴ-ն Կովկասում այլևս հեգոմոն չի լինելու, փորձում է գտնել դաշնակիցների, որոնց հետ կարող է իր ազդեցությունն ունենալ այստեղ»:
