Գրող Նիկոլայ Գոգոլի մահադիմակն աճուրդի է հանվել 250 հազար ռուբլով: Այս մասին հաղորդում է «Լիտֆոնդ» աճուրդային տան մամուլի ծառայության տարածած հաղորդագրությունը։
«Քանդակագործ Նիկոլայ Ռամազանովի (մոտավորապես 1852 թ.) Նիկոլայ Գոգոլի գիպսե մահադիմակը գործը թանգարանային մակարդակի հավաքածուի արժեք ունի։ Անտիկվարիատն աճուրդի Է դրվել 250 հազար ռուբլի մեկնարկային գնով»,- ասված Է հաղորդագրության մեջ: Աճուրդը կկայանա փետրվարի 9-ին։
ТАСС գործակալությունը հաղորդում է, որ լոտերի թվում են նաև 1580 թվականի Նոր Կտակարանը (1,4 միլիոն ռուբլի), Բորիս Կուստոդիևի էսքիզները (1,3 միլիոն ռուբլի), կոմպոզիտոր Դմիտրի Շոստակովիչի անձնական նամակները (450 հազար ռուբլի) և Միխայիլ Բուլգակովի ինքնագիրը՝ Միխայիլ Մայզելի «Արդի ռուս գրականության համառոտ ակնարկ» հրատարակության տիտղոսաթերթին՝ Վիկենտի Վերեսաևին ընծայագրի տեսքով (280 հազար ռուբլի):
