Ադրբեջանն ու Թուրքիան այս տարի տասից ավելի համատեղ զորավարժություններ են անցկացնելու։ Կարսում այդ մասին հայտարարել է Ադրբեջանի պաշտպանության նախարարը։ Զաքիր Հասանովի խոսքով՝ զորախաղերը տեղի կունենան երկու երկրների տարածքում:
Ադրբեջանի պաշտպանության նախարարը Կարսում էր՝ հետևելու «Ձմեռային վարժանք-2023»-ին, որին Թուրքիայից, Ադրբեջանից, Վրաստանից բացի, մասնակցում էին տասից ավելի երկրներ, այդ թվում՝ եվրոպական։ Թեմայի շուրջ «Առաջին լրատվական»-ը զրուցել է ռազմական փորձագետ Կարեն Հովհաննիսյանի հետ:
Հովհաննիսյանի խոսքով` Թուրքիայի պաշտպանության նախարարը հերթական հոգեբանական ճնշումն է կիրառում Հայաստանի դեմ. «Վրաստանի մասով անհանգստանալու կարիք չկա, այս զորավարժությունները ոչ թե Հայաստանի դեմ են, այլ` Իրանի: Թուրքիան փորձ է անում իր համար ստեղծել ապահով բուֆերային տարածք, փորձում են ներքաշել նաև չեզոք Վրաստանին»: