«Արժութային կարգավորման և արժութային վերահսկողության մասին» օրենքում առաջարկվող փոփոխությամբ նախատեսվում է, որ բանկերը և վարկային կազմակերպությունները սպառողական փոխառություններն ու վարկերը, բնակարանային հիփոթեքային կրեդիտները կարող են տրամադրել միայն ՀՀ դրամով, իսկ ոչ ռեզիդենտ ֆիզիկական անձանց բնակարանային հիփոթեքային կրեդիտները նաև արտարժույթով: Նախաձեռնությունն առաջին ընթերցմամբ քննարկվել է ԱԺ ֆինանսավարկային և բյուջետային հարցերի մշտական հանձնաժողովի նիստում: Ներկայումս ՀՀ ռեզիդենտ քաղաքացիները կարող են ցանկացած արժույթով ստանալ հիփոթեքային վարկեր: Սակայն, ըստ հանձնաժողովի անդամ պատգամավորների, արտարժույթի տատանումների հետևանքով վարկերի մարման մասով մեծ ռիսկեր են առաջանում:Թեմայի շուրջ «Ամբերդ» հետազոտական կենտրոնի փորձագետ Էդգար Աղաբեկյանի հետ:
Նրա խոսքով՝ միայն դրամով վարկերը բավականին ռիսկային են վարկառուների համար․ «Դրամային վարկերի դեպքում կախվածություն չի լինի այլ արտարժույթից, բայց գործընթացը բավականին նուրբ է: Այս պահին ֆինանսական համակարգում կանգնած ենք գլոբալ փոփոխությունների առաջ»:
