Պաշտոնական հայտարարության մեջ Թեհրանը չի նշում, թե ում կողմից է եղել այս հարձակումը։ Ուոլ Սթրիթ Ջորնելի փոխանցմամբ, հարձակման հետեւում կանգնած է Իսրայելը։ Պարբերականի տվյալներով՝ սա Իսրայելի առաջին հարվածն է այն բանից հետո, երբ վարչապետ Բենիամին Նեթանյահուն անցյալ ամիս վերադարձել է իշխանության։ Ալ-Արաբիա հեռուստաալիքն էլ նշել է, թե Ամերիկյան ռազմաօդային ուժերը եւ «մեկ այլ երկիր» մասնակցել են Իրանի ռազմական համալիրի վրա անօդաչու թռչող սարքերի հարձակմանը, մինչդեռ Ջերուսալեմ Փոսթը պնդում է, որ, հակառակ Իրանի պնդումներին, Սպահանում անօդաչու թռչող սարքի հարձակումը «շատ հաջող է եղել»:
Միջադեպի կապակցությամբ Նյու Յորք Թայմսն էլ հայտնել է, թե հարձակումը եղել է հենց Իրանի տարածքից։
