Friday, 29 03 2024
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
-
12:40
Գործ ունենք դավաճանական շղթայի հետ, որը կառավարում է Ռուսաստանը
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
-
12:20
Հայաստանը ազատագրական պայքար է մղում, ոչ թե՝ վեկտոր փոխում
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24

Այլևս չենք կարող կոմպլիմենտար քաղաքականություն վարել, երկու լարի վրա խաղալը վտանգավոր է

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվան պատրաստ է կազմակերպել ՌԴ, ՀՀ և Ադրբեջանի ԱԳ նախարարների հանդիպումը։

«Ռուսական կողմը հաստատում է իր պատրաստակամությունը՝ բանակցություններ կազմակերպելու Մոսկվայում Ադրբեջանի և Հայաստանի արտգործնախարարների միջև Սերգեյ Լավրովի հովանու ներքո։ Մենք այդ մասին տեղեկացրել ենք և Բաքվին, և Երևանին, հրապարակային խոսել ենք այդ մասին։ Կարծում ենք՝ պարբերաբար ի հայտ եկող բարդությունները չպետք է բանակցային գործընթացի սառեցման պատճառ դառնան»,- ասել է դիվանագետը:

Զախարովան ասել է, որ հարկավոր է որքան հնարավոր է արագ վերականգնել աշխատանքը հայ-ադրբեջանական հարաբերությունների կարգավորման բոլոր ուղղություններով, այդ թվում տրանսպորտային հաղորդակցությունների ապաշրջափակումը, սահմանի սահմանազատումը, խաղաղ պայմանագրի կնքումը և շփումները քաղաքացիական հասարակության գծով։

«Լաչինի միջանցքում իրավիճակի վերաբերյալ ՌԴ ՊՆ-ն և ռուս խաղաղապահ զորակազմի հրամանատարությունը մշտական կապի մեջ են բոլոր շահագրգիռ կողմերի հետ։ Շարունակվում են իրավիճակի կարգավորմանն ուղղված եռանդուն ջանքերը։ Ի տարբերություն արտաքին խաղացողների մեծամասնության, որոնք սահմանափակվում են լարվածությունը նվազեցնելու կոչերով, ռուսական կողմը տեղում՝ գետնի վրա, իրական լուծումներ է որոնում և հումանիտար աջակցություն ցուցաբերում։ Մենք կոչ ենք անում լիարժեք ապաշրջափակել Լաչինի միջանցքը՝ 2020-ի նոյեմբերի 9-ի ՌԴ, ՀՀ և Ադրբեջանի ղեկավարների եռակողմ հայտարարության համաձայն, և կոչ ենք անում Բաքվին և Երևանին քաղաքական կամք դրսևորել՝ կարգավորելու համար առկա տարաձայնությունները»,-ասել է Զախարովան։

Քաղաքագետ Գարիկ Քեռյանի կարծիքով՝ Զախարովայի հայտարարությունը պետք է դիտարկել ոչ թե այն տեսանկյունից, որ Մոսկվան փորձում է բանակցությունները բերել իր հարթակ, այլ այն տեսանկյունից, որ Մոսկվան ձգտում է բանակցությունները պահել իր հարթակում.«Ըստ էության՝ նույնիսկ մինչև 44 օրյա պատերազմը և դրանից մի քանի տարի առաջ էլ, Մինսկի խմբի գոյության պայմաններում էլ, Միացյալ Նահանգներն ու Ֆրանսիան առաջնահերթությունը թողել էին Ռուսաստանին։ Բնականաբար արդեն վերջին 4-5 տարվա իրողությունն այն է, որ առաջնահերթությունը եղել է Ռուսաստանում։ Ելնելով այն հանգամանքից, որ իր ազդեցության գոտին է, արևմուտքը մտածել է կամ դիրքավորվել է այդ սկզբունքով։

Բայց ուկրաինական պատերազմի սկսվելուց հետո, արևմուտքի դիրքորոշումը կտրուկ փոխվել է»,-«Առաջին լրատվական»-ի հետ զրույցում ասաց նա։

Ըստ Քեռյանի՝ Ռուսաստան-արևմուտք բացահայտ պատերազմի պայմաններում, Մոսկվային թողնել առաջնահերթություն հարավկովկասյան և մյուս տարածաշրջաններում՝ աշխարհաքաղաքական առումով ո՛չ Միացյալ Նահանգներին ո՛չ Եվրամիությանը ձեռնտու չէ.«Հիմա միջազգային քաղաքական գործընթացների տրամաբանությունն այն է, որ պետք է Ռուսաստանին զրկել հետխորհրդային տարածքում ազդեցության գոտիներից, հակամարտությունների լուծման առաջնահերթությունից ու որքան հնարավոր է մեկուսացնել Ռուսաստանը։ Ահա այս տրամաբանության մեջ է, որ արևմուտքը, Եվրոպական միությունը փորձում է ստեղծել հակամարտության կարգավորման իր հարթակը, որոշել է դիտորդներ ուղարկել, ձևավորել է բանակցությունների բրյուսելյան հարթակը։ Իսկ Ռուսաստանը հասկանալով այս ամեն ինչը հիմա փորձում է պահել Ռուսաստան-Հայաստան-Ադրբեջան բանակցության ձևաչափը և թույլ չտա, որ արևմուտքն այստեղ հարցերը լուծի իր գեոպոլիտիկ շահերի տեսանկյունից»։

Մեր զրուցակիցը գտնում է, որ այս դիմակայության մեջ Հայաստանը պետք է փորձի ոչ թե մանևրել, այլ ՀՀ իշխանությունները, որոնք ավելի լուրջ տեղեկության են տիրապետում, պետք է առավել ճիշտ ու սթափ վերլուծեն ստեղծված իրավիճակը, գան հստակ մեկ հարթակի վրա ու այնտեղ փորձեն հարցերը լուծել.«Իսկ թե որ հարթակի վրա՝ դա բարդ հարց է, որովհետև սխալվելու կամ սայթաքելու դեպքում, մենք կկորցնենք ոչ միայն Ղարաբաղը, այլ տարածքային կորուստներ կունենանք նաև Հայաստանից՝ հատկապես Սյունիքից։ Երկու լարի վրա խաղալը ներկա իրավիճակում շատ վտանգավոր է։ Եթե 90-ականներին մենք ասում էինք, որ կոմպլիմենտար, փոխլրացնող քաղաքականության ենք հետևում, որպեսզի և՛ արևմուտքի հետ հարաբերությունները զարգանան և՛ Ռուսաստանի ու հետխորհրդային երկրների, այժմ դա հնարավոր չէ։ Տեղի է ունենում բացահայտ պատերազմ, այն գուցե ձգվի ևս մեկ տարի կամ ավել, կողմերը հսկայական ռեսուրսներ մարդկային կորուստներ են տալիս, իսկ այս պարագայում Հայաստանի նման փոքր երկիրը պետք է ընտրի այն հարթակը, որն իր համար առավելագույնս ապահովում է անվտանգություն ու բացառում երրորդ ղարաբաղյան պատերազմ։ Եթե մենք ընդունենք որևիցե հարթակ ավելի մեծ ակնկալիքներով, այսինքն՝ մեզ մեծ խոստումներ են տալիս, բայց իրականում հարյուր տոկոսով չեն երաշխավորում, որ պատերազմի մեջ ներքաշվելու վտանգ չկա, նշանակում է այնտեղ պետք չէ գնալ։ Ավելին՝ համեստ ձեռքբերումներով պետք է կանգ առնել այն հարթակի վրա, որը բացառում է, որ մենք կկանգնենք երրորդ ղարաբաղյան պատերազմի առաջ»։

Բաժիններ
Ուղիղ
Լրահոս
Որոնում