Իրանի հյուսիս-արևմուտքում տեղի ունեցած երկրաշարժի հետևանքով տուժածների թիվը հասել է 816-ի, երեք մարդ մահացել է։ Այս մասին հայտարարել է Արեւմտյան Ադրբեջանի նահանգի նահանգապետ Մոհամմադ Սադեղ Մոթամեդյանը։
«Երկրաշարժի հետևանքով զոհվել է երեք մարդ, վիրավորվել՝ 816-ը», – մեջբերում է Agence France Presse-ը նրա խոսքերը։
Ըստ նախնական հաշվարկների՝ երկրաշարժը վնաս է հասցրել 2 քաղաքների և ավելի քան 70 գյուղերի՝ ավերելով դրանցում գտնվող շենքերի մինչև 50%-ը։
Հունվարի 28-ին Իրանի հյուսիսարևմտյան հատվածում 5,9 մագնիտուդ ուժգնությամբ երկրաշարժ է տեղի ունեցել։ Երկրաշարժը տեղի է ունեցել 43 կմ խորության վրա, էպիկենտրոնը գտնվել է Խոյ քաղաքից 23 կմ հարավ-արեւելք: Երկրաշարժը զգացվել է նաև Հայաստանում:
