Միջազգային հարթակում շատերը խուսափում են Արցախում ստեղծված ճգնաժամը բարձրաձայնել՝ խուսափելով քաղաքական հարցերի մեջ թաթախվելուց: «Առաջին լրատվական»-ի հետ զրույցում նշեց «Այբ» կրթական հիմնադրամի հոգաբարձուների խորհրդի նախագահ Արամ Փախչանյանը:
Նրա խոսքով՝ միջազգային հանրությունը արցախահայության կրթական խնդիրների հետևից չի գալիս՝ չցանկանալով թաթախվել քաղաքական հարցերի մեջ: Անդրադառնալով ԲՈԿ նախագահի հրաժարականին, Փախչանյանը նշեց, որ ԲՈԿ-ի գործունեությունը վերջին տարիներին դրական եմ գնահատում․ «Որքան տեղյակ եմ՝ ԲՈԿ-ում կազմակերպչական փոփոխություններ են, միավորումներ են սպասվում: ԲՈԿ-ում աշխատանքը բարդ է, ոլորտը որին առնչվում է կառույցը բավականին շատ խնդիրներ կան»: Ըստ Փախչանյանի՝ մեր կրթական համակարգը ունի որոշակի իներտություն, արդյունավետ գործելու անկարողություն․ «Կրթական համակարգը խնդիրների մի մեծ կծիկ է․ ամենածանր ու մաշեցնող ոլորտն է մեր երկրում: Աշխարհի ամենահզոր երկրները այն երկրներն են, որոնք ունեն զարգացած կրթական համակարգ»:
