2023 թվականի հունվարի 26-ին մեկնարկեց «Հայաստանի էներգետիկ անվտանգության ամրապնդումը» խորագրով ծրագիրը, որին մասնակցել են ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը և Հանձնաժողովի անդամ պատգամավոր Ծովինար Վարդանյանը:
Մեծ Բրիտանիայի և Հյուսիսային Իռլանդիայի Միացյալ Թագավորության կառավարության Հակամարտությունների, կայունության և անվտանգության հիմնադրամի ֆինանսավորմամբ WFD-ն մեկնարկել է նոր նախաձեռնություն, որի նպատակն է բարելավել Հայաստանում ժողովրդավարական դերակատարների ներգրավվածությունն էներգետիկ քաղաքականության մեջ՝ հատուկ ուշադրություն դարձնելով վերականգնվող էներգիայի մեջ ներդրումների միջոցով էներգետիկ անվտանգության բարձրացմանը:
Ծրագիրը նպատակ ունի մեծացնել Հայաստանի Հանրապետության Ազգային ժողովի և քաղաքական կուսակցությունների ներգրավվածությունը կլիմայի փոփոխության և էներգետիկ քաղաքականության հարցերում։ Այն կբարելավի հաշվետվողականությունը, հնարավորություն կտա ընտրողներին ազդեցություն ունենալ գործընթացների վրա, կերաշխավորի, որ հաշվի առնվեն կանանց և այլ ոչ բավարար ներկայացվածություն ունեցող խմբերի կարիքներն ու շահերը և կբերի ավելի լայն քաղաքական համաձայնության:
