Պետական եկամուտների կոմիտեն հայտնում է, որ ՊԵԿ պաշտոնական կայքում հրապարակվել է 2022 թվականի հունվար-դեկտեմբեր ամիսների ընթացքում առաջին 1000 խոշոր հարկ վճարողների կողմից վճարված հարկերի և վճարների վերաբերյալ տեղեկատվությունը: Ինչպես է պետությունը տնօրինում իր բյուջեն, ինչպես է բաշխում եկամուտները, ինչի մեջ է ներդնում, որ ոլորտներին է ուղղում։ Այս հարցերի հիման վրա են գնահատում կառավարման որակը։ Թեմայի շուրջ «Առաջին լրատվական»-ը զրուցել է տ.գ.թ, դոցենտ, կառավարման փորձագետ Կարեն Սարգսյանի հետ:
Տնտեսագետի խոսքով՝ հարկային եկամուտների աճը կապված է երկնիշ տնտեսական աճի հետ․ «Հարկային եկամուտների աճը նաև հարկային վարչարարության բարելավման արդյունք է:Հնարավոր է լինեն կապիտալ ծախսերի որոշ թերակատարումներ: 100 խոշոր հարկ վճարողների մասնաբաժինները կրճատվում են, դա կարող է շարունակական գործընթաց լինել»: Տնտեսագետի դիտարկմամբ, թեև ՀԲ-ն կանխատեսել է 4,1 տոկոսի աճ Հայաստանի համար, սակայն միշտ չէ, որ կանխատեսումները ճիշտ են: Տնտեսագետը առաջիկա ամիսներին արտարժույթի շուկայում կտրուկ փոփոխություններ չի կանխատեսում:
