Ալիևի ոչ փոխզիջումային կեցվածքը պայմանվորված է ՌԴ-ի հետ իր ընթացիկ երկխոսությամբ ու համակարգմամբ: «Առաջին լրատվական»-ի հետ զրույցում նշեց ԱՄՆ-ում Հայաստանի նախկին փոխդեսպան Արմեն Խարազյանը:
Խարազյանի խոսքով` հայկական կողմը ունի ՌԴ-ի հետ աշխատելու փորձառնություն, գիտի բլեֆը անջատել իրական կարողություններից. «Հայաստանը պետք է հրավիրի ՌԴ-ին և քաղաքակիրթ ձևով քննարկի հարցերը: Հայաստանը պետք է շարունակի իր անելիքը. ՀԱՊԿ-ը որևէ դրական դերակատարում չի ունեցել: Հայաստանը չպետք է թույլ տա, որ ՌԴ-ն որոշի ԵՄ ինչպիսի առաքելություն տեղակայվի իր սահմաններին»:
Խարազյանը շեշտում է, որ պետք է ճիշտ ռելսերի վրա դնել Հայաստանի պետական կառավարման համակարգը. «Հայաստանին պետք է առաջ գնալու հստակ ռազմավարություն: Հայաստանում անհրաժեշտ է ունենալ հետևողականության և ընթացակարգերի հետ աշխատելու մշակույթ: Անհրաժեշտ է պետությունը և հանրությունը լինեն կոմպակտ: Հայաստանի հաղորդակցության համակարգը պետք է առողջանա, մի քանի գործոն կա»: