Ինչպես տեղեկացնում է Rueters-ը, Լիբիայի Ազգային անցումային խորհրդի ղեկավար Մուստաֆա Աբդ Ալ-Ջալիլը հայտարարել է, որ Չինաստանը հրաժարվում է Լիբիային վերադարձնել Քադաֆիի` նախկինում սառեցված հաշիվները:
Ըստ նրա` Ազգային անցումային խորհրդի ղեկավարներից մեկը` Մահմուդ Ջիբրիլը, հանդիպել է Չինաստանի կառավարության ներկայացուցիչների հետ` այս հարցը քննարկելու համար: Ալ-Ջալիլը, սակայն, չի նշել, թե ինչ պատճառով է Չինաստանը ցանկանում իր հսկողության տակ պահել Լիբիայի ակտիվները:
Այսպիսով, Չինաստանն առաջին երկիրն է, որը հրաժարվում է Լիբիային վերադարձնել սառեցված գումարները: Այս շաբաթ Ֆրանսիայի նախագահ Նիկոլա Սարկոզին խոստացել էր սառեցնել 15 միլիարդ դոլարի լիբիական ակտիվները և դրանք վերադարձնել Լիբիայի նոր իշխանություններին: Այս գումարներից 3 միլիարդը պահվում են ամերիկյան և բրիտանական, 2.2 միլիարդը` ֆրանսիական, 2.6 միլիարդը` իտալական, 1.7 միլիարդն էլ` գերմանական և հոլանդական բանկերում:
