ՌԴ-ում ապրելով փորձել եմ հայկական շահը առաջ տանել, բայց հանդիպել եմ դիմադրության, հենց նաև համայնքի կողմից: «Առաջին լրատվական»-ի հետ զրույցում նշեց քաղաքագետ Հարություն Մկրտչյանը:
Քաղաքագետի խոսքով՝ ՌԴ-ն երբեք չի փայլել ժողովրդավարության օրրան լինելով․ «ՌԴ-ն պատերազմից հետո թևակոխել է ավելի բիրտ կառավարման մոդելի»:
Անդրադառնալով հայ համայնքի գործունեությանը, քաղաքագետը նշեց․ «Արա Աբրահամյան, իբրև Հայերի միության նախագահն է, անունը հնչեղ է, բայց հողի վրա չի գործում: Ռուսաստանում մենք կուռ համայնք չունենք, Հայերի միությունը չի գործում: Հայ համայնքում հիմնականում բիզնես էլիտայի ներկայացուցիչներ են: Ռուսաստանի հայերը քանի վախի մթնոլորտը չեն թոթափել, Հայաստանը այնտեղից որևէ օգուտ չպետք է սպասի: Միայն այն, որ ՌԴ-ում ապրում է մոտ 3 մլն հայ և համայնքը չունի ինքնությունը պահելու շանս, խոսում է այդ պետության քաղաքականության մասին: ՌԴ-ն խնդիր է դրել բոլոր եկվոր ազգերին ձուլել: Հայաստանի համար Ռուսաստանն էլ, Թուրքիան էլ թշնամական գործողություններ են իրականցնում, բայց Թուրքիայում հայկական ինքնությունը պահպանվում է»: