Եգիպտոսի հետ բազմավեկտոր համագործակցության լայն հնարավորություններ կան, բայց անվտանգային բաղադիչը այդ շղթայում չէի դնի: «Առաջին լրատվական»-ի հետ զրույցում նշեց տարածաշրջանային հարցերով փորձագետ Արմեն Պետրոսյանը:
Նրա խոսքով՝ Եգիպտոսի նախագահի այցը տարածաշրջանային է, սա կարևոր նրբություն է․ «Եգիպտոսը ընդգծված հավակնություններ ունեցող երկիր է: Եգիպտոսը ունենալով աշխարհաքաղաքական հավակնություններ՝ չի կարող չխաղալ բալանսավորված: Նկատվում է Եգիպտոսի ակտիվացում բոլոր հնարավոր ուղղություններով : Եթե կարողանանք Եգիպտոսի հետ հարաբերությունների ներուժը կապիտալիզացնել, դա կառաջացնի անվտանգային հետաքրքրություններ»:
Ըստ փորձագետի՝ Եգիպտոս-ԵԱՏՄ հարաբերություններում Հայաստանը կարող է դիտարկվել որպես կամուրջ․ «Արաբական երկրների հետ Հայաստանը տնտեսական հարաբերությունները զարգացնելու մեծ ներուժ ունի: Արաբական երկրների հետ ունենք մեծ ու չիրացված ներուժ․ կարևոր է Հայաստանի նախաձեռնողականությունը այս հարցում»: