Երկրի համար բախտորոշ ժամանակաշրջանում կուսակցությունը կարևորեց ռազմապաշտպանական ոլորտի պատասխանատուի հետ հանդիպումը : «Առաջին լրատվական»-ի հետ զրույցում նշեց Հանուն Հանրապետության կուսակցության քաղխորհրդի անդամ Արտաշես Խալաթյանը:
Խալաթյանը նշեց, որ իրենց նպատակներից մեկը տեղեկատվություն ստանալ ողբերգության մասին Պաշտպանության նախարարից․ «Նման ողբերգական դեպքերի ժամանակ բանակը որոշ ուժերի կողմից թիրախավորվում է, դրանով թուլացվում է բանակի իմունիտետը: Բարձրաձայնելով բանակում տիրող խնդիրները՝ մեր սատարումը հայտնեցինք Զինված ուժերին»: Խալաթյանը նաև շեշտեց, որ իրենք բանակը չեն բարձրացնում քաղաքական շահարկումների զոհասեղանին: Անդրադառնալով Լաչինի խնդրին, մեր բանախոսը նկատեց․ «Ադրբեջանն ընկել է իր լարած թակարդը: Լաչինի միջանցքի փակումը մի քանի ծալքեր ունի․ հանքավայրերի հարցը ունի տնտեսական նպատակներ: Լաչինի միջանցքի փակումը ունի նպատակ նաև տնտեսական ասպեկտով ամրագրելու Բաքվի հաղթանակը»: