Պետության երկարատև բացակայության մոդել ենք ունեցել, պետության աքսեսուարներին չենք տիրապետել: «Առաջին լրատվական»-ի հետ զրույցում նշեց բանաստեղծ, թարգմանիչ Հակոբ Մովսեսը:
Նրա խոսքով՝ ժողովուրդը ուժ գտավ երրորդ հանրապետության վերածնունդը կազմակերպել․ «Մեր ժողովրդին պետք է ոչ թե վերածնվել, այլ վերամարմնավորվել: Վերամարմնավորվելու պրոցեսը պահանջում է շատ բան նետել, շատ բաների վրայից իջնել կամ հեծնել: Վերջին տարիներին հակապետական պրոպագանդա է տարվում՝ ամենաթունդ տեխնիկական միջոցներով: Մեր ժողովուրդը կոնսերվատիվ պահպանողական ժողովուրդ է, դժվար է ազատվում անցյալից: Մեր ժողովուրդը պետական գիտակցում ունի, թե ոչ՝ ցույց կտա պատմությունը»: