ԱՄՆ-ի նախագահի տանը 13 ժամ տևած խուզարկությունից հետո հայտնաբերվել է ևս վեց գաղտնի փաստաթուղթ։ Այս մասին լրատվամիջոցներին հայտնել է Ջո Բայդենի փաստաբանը, հայտնում է New York Post-ը։
Փաստաթղթերի մի մասը թվագրվում է այն ժամանակ, երբ Բայդենը սենատոր էր, իսկ մյուսները՝ նրա՝ փոխնախագահի պաշտոնում: Փաստաբանի խոսքով՝ խուզարկության արդյունքում հանվել են ԱՄՆ-ի նախագահի ձեռագիր գրառումներն ու ուղեկցող նյութերը։
Խուզարկության ժամանակ Բայդենն ու նրա կինը տանը չեն եղել։ Ինքը՝ Բայդենը, թույլ է տվել քննիչներին խուզարկել Դելավերում գտնվող իր տունը։