«Ազատ քաղաքացի» ՀԿ նախագահ Հովսեփ Խուրշուդյանը ֆեյսբուքյան իր էջում գրել է.
Բանակում կրթական ցենզի բարձրացումը, մշակութային զարգացումը օրախնդիր են: Բանակում տգետ, կաշառքով ուսադիր ձեռքբերած սպաներ, հրամանատարներ չպետք է լինեն, սալդաֆոններ չպետք է լինեն: Ամերիկյան բանակում երբ Շեքսպիր են անցնում՝ մի բան գիտեն:
Նաեւ սալյարկա գողացողներ չպետք է լինեն բանակում, նախնադարյան վառարաններով որեւէ զորամաս չպետք է ջեռուցվի բանակում, դա վաղուց էր հնարավոր ապահովել եւ եթե չի արվել՝ թալանի ու զրո հոգատարության պատճառով: Դրա համար թիկունքի ապահովման համար պատասխանատու բոլոր բարձրաստիճան սպաները պետք է ոչ թե պարզապես հեռացվեն իրենց պաշտոններից, այլ պետք է դատվեն՝ հատուկ հետաքննության հիման վրա:
Այս ամենի մասին որքա՜ն ժամանակ ենք խոսում: Լսող եղա՞վ: Ոչ, քանի որ վարչապետի պարբերաբար հնչեցվող հայտարարությունը, թե կոմպրոմիսներ չեն լինելու՝ հերթապահ դատարկ ֆրազ է, քանի որ բանակի ամբողջ ղեկավարությունը՝ իր իսկ նշանակած նախարար Պապիկյանի գլխավորությամբ տեղով կոմպրոմիս են բարձրաստիճան տգետների, ջեբկիրների, սալյարկա գողացողների հետ:
Ցավակցում եմ զոհված տղաների հարազատներին: Ցավոք այսպիսի հրամկազմով մեզ թշնամի էլ պետք չի՝ անընդհատ զոհեր ունենալու համար…
ՀԳ. Թե բա ատեստավորում ենք անելու բանակում. ատեստավորում չէ, ընդամենը 8-րդ դասարանի շարադրություն հանձնարարեք գրել բարձրագույն հրամկազմին, տեսեք թե ռուսական ռազմական ակադեմիաները ՙՙփայլուն՚՚ ցուցանիշներով ավարտած քանի գեներալ ու գնդապետ է անտառաճանաչ հալով պռոբկի նման թռնելու զինված ուժերից:
