Գերմանիայի պաշտպանության նախարարության նոր ղեկավար Բորիս Պիստորիուսը երդում է տվել Բունդեսթագում և ստանձնել պաշտոնը։ Այդ մասին տեղեկանում Է «РИА Новости» գործակալությունից:
Ավելի վաղ Պիստորիուսը երկրի նախագահից ստացել էր նշանակման վկայականը։
«Երդվում եմ, որ իմ ուժերը կներդնեմ Գերմանիայի ժողովրդի բարօրության համար՝ ավելացնելով օգուտները և նրանից վանելով վնասը, ինչպես նաև (երդվում եմ) պաշտպանել Հիմնական օրենքը և (մյուս) օրենքները», – Բունդեսթագում հայտարարել է Պիստորիուսը:
Երդման արարողությունը հեռարձակվել է ռազմական գերատեսչության կայքում։ Երկուշաբթի օրը Գերմանիայի պաշտպանության նախկին նախարար Քրիստինա Լամբրեխտը հայտարարել Էր, որ դիմում Է ներկայացրել պաշտոնից ազատվելու մասին:
Նա իր որոշումը բացատրել էր գերմանական լրատվամիջոցների կողմից իր անձի նկատմամբ «ամիսներ տևած սևեռուն ուշադրությամբե, ինչը խանգարել է իրեն կատարել իր պարտականությունները: