Պաշտոնական Երևանը հիմնականում չի խառնվում Արցախի ներքաղաքական գործընթացների մեջ, որովհետև Արցախում գոյություն ունի լեգիտիմ ընտրված իշխանություն, որը ամբողջությամբ տիրապետում է իրավիճակին: Այս մասին «Առաջին լրատվական»-ին տված հարցազրույցում նշեց ԱԺ նախագահ Ալեն Սիմոնյանը՝ անդրադառնալով հարցին, թե որքանո՞վ է Աչցախում ներքաղաքական ճգնաժամի հաղթահարման մեջ Երևանը մասնակցում՝ հաշվի առնելով, որ այնտեղ հնչող հայտարարությունները ակնհայտորեն թիրախավորում էին Երևանի դիրքորոշումները:
«Ներքաղաքական ելևեջներ լինում են բոլոր երկրներում: Կարծում եմ՝ Հայաստանն այս պարագայում չպետք է միջամտի որևէ ձևով»,-ասաց նա:
Հարցին,թ ե որքանով են պաշտոնական Երևանի համար ընդունելի այն հայտարարությունները, որոնք հնչում են Արցախից, Ալեն Սիմոնյանը պատասխանեց. «Դուք երևի նկատի ունեք քննադատությունները և տարակարծությունները, բայց ես կարծում եմ, որ դա նորմալ է: Նորմալ է, որ նման բարդ խնդիրների շուրջ տտարբեր կարծիքներ հնչեն: Հենց դր համար է Հայաստանը կողմնակից, որ Արցախը մաքսիմալ ներգրավված լինի, և ամեն ինչ անում է, որ Արցախի իշխանությունները, ղեկավարությունը որոշումներ կայացնի: Իսկ այն պարագայում, երբ որոշումների մեջ կան հարցեր, որոնք անմիջականորեն վերաբերում են Արցախին, այդ որոշումները կամ քննարկվում, համաձայյնեցնվում են Արցախի իշխանությունների հետ, կամ ուղիղ ձևով հարցնում են կարծիք և ընդունվում է այդ տարբերակը»: