Քաղաքական կայունությունն ու անվտանգությունn Անկարայի քաղաքականության հաջողության և միջազգային ասպարեզում Թուրքիայի դիրքերի ամրապնդման հիմքերն են։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, փոխանցում է Անադոլու գործակալությունը։
Թուրքիայի ղեկավարի խոսքով՝ բնակչության լայն աջակցությունը թույլ է տալիս կառավարությանը վերացնել ճնշումն ու խոչընդոտները երկրի ճանապարհին, այդ թվում՝ ահաբեկչության սպառնալիքը։ Նա հիշեցրել է, որ վերջին տասնամյակների ընթացքում Թուրքիան թռիչքային զարգացում է ունեցել՝ բազմաթիվ հաջող բարեփոխումներ իրականացնելով, այդ թվում՝ ժողովրդավարության ոլորտում։
«Ձեռք բերված հաջողությունները կորցնելու դեպքում մենք կրկին կսահենք և կհայտվենք նախկին Թուրքիայի ճգնաժամային շրջանում»,- զգուշացրել է քաղաքական գործիչը՝ համերաշխության և միասնության կոչ անելով Թուրքիայի հետագա զարգացման ճանապարհին։
