«Առաջին լրատվական»-ի զրուցակիցն է Արցախի Հեղափոխական կուսակցության նախագահ Արթուր Օսիպյանը։
-Պարոն Օսիպյան, ակտիվորեն քննարկվում է Արցախի Անվտանգության խորհրդի հայտարարությունը, որտեղ ՀՀ իշխանություններին ուղղված մեղադրանքներ կան։ Այս հռետորաբանությունը ներքաղաքական վերադասվորումների արդյու՞նք է։
-Ընդհանուր առմամբ պետք է հասկանալ, որ լինի Անվտանգության խորհուրդ, թե Ազգային ժողով՝ փոքրամասնությունն է թելադրում, թե ով ինչ հայտարարություն անի։ Վիտոյի, Դաշնակների ու ԱԺԿ կուսացկությունները թեկուզ փոքրամասնություն են, բայց թելադրող շրջանակներում իրենք են։ Բնականաբար դա պետք է լինի ընդդեմ Նիկոլ Փաշինյանի։ Իրենք իրենց հարցն են լուծում՝ Նիկոլը պետք է չլինի, ուզում է Ղարաբաղը լինի-չլինի՝էական չի… որ ասում են Դաշնակ, Վիտո, ԱԺԿ՝ կուկլաներն են, կուկլավոդները Սերժն ու Քոչարյանն են, Երևանում նստած՝ թեկուզ Արցախի ցեղասպանության գնով ուզում են Նիկոլի հարցերը լուծել։ Սա մի քաղաքականություն է, բայց իհարկե Նիկոլ Փաշինյանն էլ տեղիք տալիս է։ Հասկացանք՝ Ղարաբաղը դարձնել սուբյեկտ, բայց սուբյեկտի մասին չէ զրույցը, այլ այն մասին, որ Ղարաբաղի ժողովուրդն անմիջապես խոսի Ադրբեջանի իշխանությունների հետ։ Այդ ի՞նչ զրույց է անում։ Ասում է՝ մենք աշխատում ենք միջազգային մեխանիզմներ կիրառելու մասին, դա հասկացանք, բայց որ ասում է՝ անմիջապես, դա լավ չէ։ Նեյտրալիտետ էլ չի պահում, ասում է՝ Ադրբեջանի կազմ։
-Ձեր խոսքից կարելի է ենթադրել, որ Արցախի Անվտանգության խորհրդին էլ է ԱԺ փոքրամասնությունն ուղղորդում։
-Միանշանակ։Ոչ միայն Անվտանգության խորհրդին։ Ազգային ժողովում էլ որ հայտարարություններ են անում, այնտեղ էլ է փոքրամասնությունը եղանակ փոխում։
-Ռուբեն Վարդանյանի հետ սա առնչություն չունի՞։ Այնպես ստացվեց, որ իր այսպիսի կտրուկ ոճի Ստեփանակերտն անցավ իր գալուց ու նշանակումներից հետո։
–Ռուբեն Վարդանյանն էլ է այդ գաղափարները կիսում, բայց մինչև նա էլ է այդպես եղել՝ ավելի կոշտ ու կոպիտ։ Ռուբեն Վարդանյանը պարզապես այստեղ ոչ մի խնդիր չի տեսնում, նույն կատեգորիայի են, նույն մտածելակերպի։ Շատ վտանգավոր է Ռուբեն Վարդանյանի ասուլիսը, սա մահացու քաղաղաքականություն է Ղարաբաղի համար։
-Իսկ իր նշանակած կադրերի հետ հույսեր կա՞ն։
–Կադրերը թող դեռ աշխատեն։Այսպես ասեմ՝ չկա այնպիսի կադր, որին մենք կտրուկ դեմ լինենք, բայց դա չի էլ նշանակում՝ կողմ ենք։ Ղարաբաղում իսկապես կադրերի լուրջ խնդիրներ են։ Կան կադրեր, որոնց հետ հույս եմ կապում, բայց հիմա չեմ ուզում այդ մասին խոսել։ Հնարավոր է՝ հենց Ռուբեն Վարդանյանը խանգարի այդ կադրերին նորմալ աշխատել։
