Աճի գործոնները բնավ էլ պայմանավորված չեն այն իրողություններով, որով ապրում է մեր երկիրը: «Առաջին լրատվական»-ի հետ զրույցում նշեց 1994-1998թթ. Կենտրոնական բանկի նախագահ, տնտեսագետ Բագրատ Ասատրյանը:
Ասատրյանը խորհուրդ է տալիս իշխանությանը ոգևորությունը մի կողմ դնել ու այսօրվանից քայլեր ձեռնարկել. «Մենք շատ բարդ ռազմաքաղաքական միջավայրում ենք, Հայաստանը մի կրակե գոտի է: Տնտեսական աճի հետ կապված ոգևորությունը պետք է մի կողմ դնել: 2022-ը ռիսկային տարի էր, տնտեսական աճի դրական հետևանքներին կարող է հետևել բացասականը: Հայաստանի փրկությունը պետք է լինի բնակեցված զարգացած երկիր լինելը: Հայաստանի փրկությունը պետք է լինի բնակեցված, զարգացող երկիր դառնալ»:
Ասատրյանը նշեց, որ ունենք աղքատության խորացում. «Աղքատացող հասարակությունը չի կարող երջանիկ լինել, ունենք խնդիրներ, որոնք 2022-ին չլուծվեցին: Կրթական համակարգը ժամ ժամի վրա Հայաստանում կործանվում է»:
