Ռուսաստանը համաձայն չէ Ուկրաինայի նախագահ Վլադիմիր Զելենսկու խաղաղության ծրագրին աջակցող Թուրքիայի դիրքորոշման հետ։
Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Մենք քաջատեղյակ ենք Թուրքիայի, այսպես կոչված, Զելենսկու խաղաղության ծրագրի վերաբերյալ գնահատականներին, մենք չենք կարող համաձայնվել դրա հետ։ Անկարայի աջակցությունը Կիևի ռեժիմի այս ձեռնարկմանը դժվար թե նպաստի Ուկրաինայում խաղաղության հասնելու օպտիմալ ուղիների որոնմանը»,- ասել է Զախարովան։
Հունվարի 10-ին Թուրքիայի արտգործնախարար Մևլութ Չավուշօղլուն հայտարարել էր, որ Թուրքիան աջակցում է Ուկրաինայում խաղաղության վերականգնման՝ Կիևի առաջարկած ծրագրին։
