Արցախի քաղաքական իշխանությունը պատանդի կարգավիճակում է: «Առաջին լրատվական»-ի հետ զրույցում նշեց պատմաբան Դավիթ Թինոյանը:
Պատմաբանը չի կարծում, որ Արցախի ԱԽ հայտարարությունը առճակատման դրսևորում է․ «Արցախի քաղաքական իշխանությունը չի կարող հարյուր տոկոսանոց ինքնուրույնություն ցուցաբերել: Ռուսաստանը երբեք չի ասել, որ Արցախը կարող է լինել ինքնուրույն կամ Հայաստանի մաս: Արցախի հարցը ապագային թողնելը չի նշանակում, որ Մոսկվան ուզում է, որ Արցախը մնա ինքնուրույն: ՀՀ իշխանության իդեաֆիքսը պետք է լինի Արցախի հայկականության պահպանումը՝ հետագա լավ օրերի սպասումով»:
Պատմաբանը կարծում է, որ Հայաստանը պետք է առաջին հերթին մտածի իր տարածքային ամբողջականության ու սուվերենության պահպանման մասին․« Հայ հասարակության պառակտման շահառուները մեր հարևանն ու մեր ռազմավարական դաշնակիցն են: Ադրբեջանը գնում է հայկական պետության դեմոնտաժի»:
