Լաչինի միջանցքի ապօրինի շրջափակումը Ադրբեջանի կողմից շարունակվում է արդեն 32 օր։ Երկուշաբթի օրվանից խափանվել է նաև ՀՀ-ից Արցախ էլեկտրաէնեգիա մատակարարող էլեկտրագծի աշխատանքը։ Խափանումը տեղի է ունեցել Ադրբեջանի վերահսկողության տակ գտնվող տարածքում և մինչև այս պահը վերականգնողական աշխատանքների հնարավորություն չի ընձեռնվել ոչ ԼՂ համապատասխան ծառայություններին, ոչ էլ խաղաղապահներին։ Հայաստանից ԼՂ-ին մատակարարվող էլեկտրական էներգիայի խափանումը նոր խնդիրներ է ստեղծել։ Տեղական արտադրության էլեկտրական էներգիայի ծավալները չեն բավարարում, մանկապարտեզները լիարժեք չեն գործում սննդի բացակայության պատճառով, փակվում են աշխատատեղեր՝ էլ ավելի սրելով սոցիալական վիճակը։ Այդ մասին Կառավարության նիստի մեկնարկին ասաց ՀՀ վարչապետը։