Համաշխարհային բանկը 2022-ին տարածաշրջանում ամենաբարձր տնտեսական աճը կանխատեսել է Հայաստանի համար՝ 10.8 տոկոս: Համաշխարհային բանկի կանխատեսմամբ՝ 2023-ին Հայաստանի ՀՆԱ-ի աճը կկազմի 4,1 տոկոս, իսկ 2024-ին՝ 4,8 տոկոս: Վարչապետ Նիկոլ Փաշինյանը երեկ հայտարարել էր, թե հավանական է, որ 2022-ի ՀՆԱ աճը կլինի 12,5-13 տոկոսին մոտ, իսկ 2023 թվականի համար Հայաստանի կառավարությունը 7 տոկոս տնտեսական աճ է կանխատեսում։Թեմայի շուրջ «Առաջին լրատվական»-ը զրուցել է ՀՊՏՀ դասախոս, տ․գ․թ / «Ամբերդ» հետազոտական կենտրոնի փորձագետ Հայկ Բեջանյանի հետ:
Տնտեսագետը կարծում է, որ տնտեսության գերտաքացած վիճակը չենք օգտագործում մեր տնտեսության ենթակառուցվածքները զարգացնելու համար:
Նրա խոսքով՝ այս կարճաժամկետ աճը և ստացած օգուտները չենք օգտագործում, տնային աշխատանքը հստակ չի արվում․«Այս իրավիճակը նման է 2008-ին․ տնտեսության կուտակված գերտաքացումը երկար շարունակվել չի կարող, տնտեսական փուչիկի ռիսկը այսօր էլ կա»:
